Subling gipaklaro ni PMaj. Catherine Dela Rey, ang tigpamaba sa Police Regional Office XI, nga hingpit na sumala pa kini nilang ginaplanohan ang pagpatuman og mga security measures sa tibuok sa dakbayan sa Davao, samtang ipahigayon ang Peace Rally nga gilangkuban sa mga miyembro sa Iglesia Ni Cristo karung umalabot nga adlawong Lunes, Enero 13, 2025.
Gikanayon ni Dela Rey, nga padayon gihapon ang pag striktko sa seguridad, aron mapabilin sumala pa ang kahapsay og kalinaw sa syudad, samtang ginapahigayon ang maong rally.
Dugang pa niini, nga magpabilin sab sumala pa ang ilahang ipatuman nga border control points sa rehiyon.
Gipahinumduman sab niini ang mga buot mutambong sa maong panagtigum nga kanunay nga mutamod sa mga ipatuman sa mga otoridad nga mga advisory, aron nga mahimong hapsay ug walay kaguliyang nga mahitabo.
Una ng gibutyag nga atol sa sesyon sa mga konsehal ning syudad sa Davao nga gibana-banaan nga anaa sa 300,000 – 500,000 ka mga miyembro sa INC ang motambong sa nasampit nga rally.
Nasayran nga ang myembro maggikan pa sa Dusi ka mga lokal nga distrito sa Region 11 ug Region 12.
Pagasakyan usab sa mga nahisgutang grupo ang 100 ka mga bus nga gikan sa Davao del Norte samtang adunay 120 ka mga bus usab ang gikan sa Sultan Kudarat aron nga sakyan sa ilahang mga miyembro
