Nagpadayon karon ang ayudang pinansyal kon cash subsidy sa mga senior citizen dinhi sa dakbayan sa Davao. Sa gipaguwa nga impormasyon sa Davao City Social Welfare and Development Office nga padayon gihapon ang pay-out ngadto sa mga nahisgutan.
Subay sa gipaguwa nga schedule karong adlawa, ipahigayon ang pagpanghatag sa subsidiya sa 39-D ug Brgy. 40-D. Samtang karong Disyembre 28 usab ipahigayon ang pagpanghatag sa Poblacion, Brgy. 5-A, 7-A, 8-A ug 9-A.
Gipaklaro sa CSWDO nga bugtong mga residente sa Davao nga mga senior citizen ang makadawat sa ₱1,500 matag tuig.
Sa karon buot sa ahensya nga mahatag kini ngadto sa mga hingtungdan sa dili pa matapos ang tuig. Apan kung dili kini makaya sa panahon ipadayon kini sa sunod nga tuig.
Alang sa mga senior citizen nga dili na makahimo sa pag-adto sa mga venue, magdala lamang og authorization letter alang sa pagkuha sa ayudang pinansyal.
