Subling nagpahimangno ang Davao City Police Office sa publiko nga bawal ang paghatag og limos sa mga indibidwal o bata sa kalsada, sulod sa establisyemento, o sa mga pampublikong sakyanan.
Kini ilawom sa pagsunod sa Anti-Mendicancy Law kung diin usa kini ka nasudnong balaud kontra sa pagpang-abuso sa mga bata, ingon man paglikay sa mga makililimos sa aksidente sa dalan ug himuong luwas ang kadalanan alang sa mga motorista.
Ubos sa Anti-Mendicancy Law, pagamultahan og 1,000 Pesos o pagkapreso nga dili molapas og upat ka tuig ang mga kanunay’ng gapanglimos.
Duna usab tulubagon ang mga ginikanan sa mga bata nga ginagamit sa pagpanglimos.
Apil nga multahan ang mga masakpan nga mohatag.
Ning kasamtangan padayon karun ang pagpasabot sa maong buhatan sa publiko kalabutan niini ilabi na karung holiday season dinhi sa siyudad.
