Gikwestyon ni Davao City Mayor Sebastian Baste Duterte ang gitaganang national budget nga mukabat sa P5.768 Trillion nga project, diin sumala pa wala kini nabati sa kadaghanang Pilipino.
Gihisgutan sab sa Mayor ang mga ginabuhat sa mga kongresista, diin ginaduot sumala pa si Vice President Sara Duterte sa P125 Million lamang nga nagasto sa OVP diin og itandi kini sa P4.5 Billion nga confidential funds sa office of the President nga daw wala kini nabati sa katawhan.
Lakip sab sa gibatikos ni Duterte ang padayong ginapanghambog ni Pangulong Ferdinand Bongbong Marcos Jr., nga mga flood control projects diin makita matud pa ang resulta nga wala gayud kini nahaum sa ginaistorya sa pangulo, tandi sa tinuod nga nahitabong mga pagbaha sa nasud, hinungdan nga wala na sab nakasabot ang mayor og nganong ginabalik-balik matud pa kini sa mga kongresista ang P125 milyon nga confidential funds sa OVP nga og itandi kini ngadto sa buhatan sa Pangulo, mas dako kini og kantidad.
Gitawag sab sa Mayor nga palpak gayud ang tanang mga nahimong lakang karun sa gobyerno.
