Gipresenta kagahapon sa buntag ang trese ka mga trabahante sa buhatan sa National Bureau of Invistigation Regional Office -11 sa Bajada ning syudad sa Davao.
Sumala pa sa NBI nga nadakpan ang mga nahisgutan gumikan sumala pa sa illegal quarrying sa Brgy Tamugan, Marilog District ning syudad.
Nasayran nga gilusad ang pagronda niadtong nakalabayng adlaw pasado alas dyes sa buntag sa nasampit nga lugar.
Sumala pa ni Atty Ely Leano, ang Spokesperson sa NBI-11 nga anaa sa matud pa sa kapin usa ka tuig na ang operasyon sa quarry ug makadaghang higayon na usab sila nga nagronda sa maong lugar, apan pipila ka higayon na sila nga napakyas sa pagsikop sa mga nahisgutan.
Dugang pa sa opisyal nga sa pagka-karon padayon na nilang ginapanubayan ang mga opisyal sa barangay nga nalambigit sa iligal nga kalihukan.
Samtang sa bahin sa mga giingong dinakpan, gilimod niini nga nalambigit sila sa iligal nga quarry ug gibarugan niini nga adunay permiso ang ilahang gihimo sa nasampit nga sapa.
Sa pagkakaron, anaa na sa kustodiya sa NBI-SEMRO ang maong mga dinakpan ug kini ang pasakahan ug kaso nga pagsupak sa R.A 7942 ug PD 1586.
