Nunot pa mang sa mga hagit sa kinabuhi nga ginalabangan sa mga residente dinhi sa Dakbayan sa Davao, wala matud pa gihapon nawagtang ang tatak Dabawenyo nga kinaiya, diin maoy nailhan sa kadaghanan ang pagkamatinabangon hilabi na sa panahon sa emerhensiya.
Giaprubahan na ug gikatakdang subli kining manghatag ngadto og mga financial assistance sa mga nabiktima sa mga nakalabayng bagyo didto sa kaulohan, diin pinaagi sa pagtinabangay sa mga Dabawenyo, nakatigom kini og P17.7 Million, pinaagi sa usa ka tseke nga maoy gamiton aron nga ibahin-bahin ngadto sa mga pamilya nga apektado sa bagyo.
Gilangkuban kini sa 36 ka mga LGUs, gikan sa 7 ka mga Provincial LGUs, 10 ka mga City LGUs ug anaa sa 19 ka mga Municipal LGUs ang naghatag og inisyatiba sa maong pagtabang ngadto sa mga nanginahanglan.
Nasayran nga ang pipila ka mga lugar usab ang nahimong apektado gayod sa mga nangaging bagyo, mao ang Camarines Sur, Bico Region, Batangas, ug lakip na usab ang bahin sa Laguna.
Laumang pagasugdan na ang maong pag-apod-apod sa maong hinabang ngadto sa mga apektadong pamilya ug mga LGUs karong umalabot nga petsa 20 ning bulan sa Nobyembre ning tuiga.
