Gitataw sa Legal Counsel ni KOJC Leader, Pastor Apollo Quiboloy nga dili matud pa mahimong rason ang kondisyon ug sitwasyon niini sa panglawas aron nga dili kini mupadayon nga magpapili isip pagka senador karung umalabot nga 2025 midterm elections.
Gibutyag ni Atty. Israelito Torreon, ang abogado ni Quiboloy, nga og ugaling anaa pa kuno ang iyahang kliyente sa bilangguan samtang magsugod na ang campaign period, sa social media matud pa sila mangampanya.
Gipahibalo sab niini nga aduna na matud pay namugna na nga kapin 50 ka mga sugyot-balaud-non, nga gikatakdang ipahibalo ug ipakita ngadto sa mga tawo, samtang mangampanya kini, diin nag-una sa maong adbokasiya ni Quiboloy mao ang pagpakgang sa korapsyon.
Sa laing bahin, gitubag sab ni Torreon ang mga ispikulasyon nga aduna matud pay special treatment ang pastor human nga gidala kini sa hospital.
Sumala pa niini nga katungod matud pa sa tanang tawo sa nasud nga mahatagan og saktong medikasyon aron nga masuta ang kahimtang usab niini sa panglawas.
