Gibutyag ni PBGen. Jean Fajardo ang tigpamaba sa Philippine National Police (PNP) nga imbestigahan na matud pa nila ang mga gipangluwatang pamahayag ni kanhi Pangulo Rodrigo Duterte, atol sa gipahigayong pagdungog sa Senado niadtong adlawong Lunes.
Sumala pa ni Fajardo nga usa matud pa sa ilahang ginalantaw nga lead diin magsugod ang ilahang imbestigasyon, mao ang pag angkon matud pa ni FPRRD nga tinuod matud pa ang Death Squad diin gitudlo pa niini ang mga kanhing opisyal sa PNP nga usa usab matud pa sila sa mga nahilakip sa Death Squad.
Apan, sa wala madugay, gibawi ra usab kini ni Duterte, gumikan nagatuo usab ang kadaghanan, partikular na si Retired Police Lt. Gen. Vicente Danao nga nagkomedya lamang ang maong kanhi Pangulo.
Hinuon, galaum sab karun ang PNP nga palawoman pa nila ang maong imbestigasyon labot sa mga gipangbutyag ni Duterte kabahin sa maduguong gyera bato sa iligal nga droga.
Kahinumdumang una nang miluwat sa pamahayag ang kanhi Pangulo nga iyaha matud pang ako-on ang tanang legal nga responsibilidad labot sa drug war.
Lakip sab sa gibutyag sab niini nga og ugaling tagaan matud pa siya og laing higayon nga mangulo sa nasud, iyaha matud pang usabon ang maong pagimplementa sa war on drugs, diin himuon pa kini niyang doblado.
