Giawhag ni Davao City Mayor Sebastian Baste Duterte ang tanang mga Dabawenyo, nga kinahanglan matud pa nga mutuman sa ginatawag nga Culture of Security, samtang gina-obserba ang panahon sa Kalag-Kalag.
Matud pa ni Baste nga hilabihang gikinahanglan matud pa ang tumang suporta og kooperasyon karun sa mga lumulupyo dinhi sa Dakbayan, aron nga mapabilin ang kahapsay ug kaayuhan sa palibot, hilabi na sa pagdungan sa pagsaulog sa adlaw sa mga minatay.
Lakip sab sa nagpahimangno ang Mayor nga og ugaling adunay mga katingad-an ug kadudahang mga lihok sa usa ka tawo o usa ka butang nga makita sa palibot, gilayon kining idangop ngadto sa mga otoridad aron nga gilayon sab kining ma aksyunan.
Gidut-an sab sa mayor nga kinahanglan gayud nga mupailawom ang publiko ngadto sa mga gipangmuntar nga mga balaod ug mga giya alang ngadto sa mga nagkadaiyang sementeryo, aron nga mapabilin ang kalinaw sa matag-dapit ning syudad.
