Gitubag ni Davao City Mayor Sebastian “Baste” Duterte ang mga komento sa pipila ka mga Dabawenyos batok kang kanhi Pangulong Rodrigo Duterte nga usa na kini ka tigulang ug dili na makahimo pa sa pagdumala sa syudad.
Sumala pa sa mayor nga dili na bag-o alang kaniya ang mga istorya kabahin sa iyahang amahan ilabi na og nagsingabot na ang adlawa sa piniliay.
Gidugang sab niini nga dugay na sa pulitika ang iyahang amahan, gikan pa sa pagka mayor hangtod nahimo kining pangulo sa nasud.
Gani, mahinungdanon sa usa ka lider ang iyahang mga kahibalo sa pagdumala ug dili ang iyahang pagka-edaran.
Giangkon sab niini nga lain man sumala pa paminawon nga midagan silang mag-amahan sa posisyon apan kini ang desisyon sa Partido ug gikanayon niini nga swerte sumala pa ang katawhan sa dakbayan sa iyahang amahan lakip na usab ang ilahang partido.
Gipasabot sab niini nga ang pagdumala sa syudad ug paghatod sa serbisyo dili mahinungdanon ang pisikal nga presensya kon personal nga molihok, apan ang kinahanglan ang pagdumala.
Samtang sa laing bahin, gitawag lamang niini nga usa ka drama ang pagkumpara sa mga niduso sa ilahang COC ilabi na sa posisyon sa pagka-mayor ug bise mayor nga David vs Goliath.
Kahinumduman nga una ng nagduso sa ilahang kandidatura si kanhing CSC Chairperson Atty. Karlo Nograles sa pagka-mayor, samtang bise-mayor sab si Konsehal Al-Ag.
Sa pikas bahin, si Atty. Migs Nograles ang magpapil pagka-Congresswoman sa unang distrito ning syudad ug atbangan si Cong. Pulong Duterte.
