Gihimakak ni Atty. Israelito Torreon ang Legal Counsel sa KOJC, kabahin sa mikatag nga balita nga gi publish sa usa ka ilado nga news outlet mahitungod sa mga kabtangan ug assets sa Kingdom of Jesus Christ.
Nakalatid sa maong news article nga gimugna gikan sa nahisgutang news outlet nga matud pa adunay nakabutang nga headline nga “DUTERTE TAKES OVER QUIBOLOY’S ASSETS”.
Giklaro ni Torreon na wala kana niya gisulti, ug sayop matud pa ang pag buhat sa maong headline, gumikan nga ang mga kabtangan sa KOJC, bisan usa wala nakapangalan matud pa ngadto kang Pastor Quiboloy, ug gipanag-iyahan kini direkta sa mga miyembro mismo sa KOJC.
Dugang sab sa iyang gisaysay nga lahi sumala pa ang “Taking over another person’s property” sa “administering another person’s property”.
Gipaklaro niini nga si kanhi Pangulo Rodrigo Duterte usa lamang ka administrator sa mga kabtangan sa KOJC nga diin igo lamang kini mag manage ug lakip na usab nga mahimong responsable sa mga kabtangan niini.
Sukwahi kini sa nakalatid nga headline sa maong news outfit nga diin ang buot-pasabot niini nahimo na nga si FPRRD na gayud ang tag-iya sa mga kabtangan niini.
Dugang sab nga gipaklaro ni Torreon nga ang ownership lahi kini sa administering, gumikan ang ownership mao kining ikaw ang magbuot, samtang ang administering mao kini ang igo lamang nga mag manage aron nga ma preserba ang mga kabtangan ilawom sa pagdumala sa KOJC.
