Gihagit karun ni Davao City Mayor Baste Duterte si House Speaker Martin Romualdez nga mubalik pa diri sa Dakbayan sunod bulan aron nga manghatag na sab ug ayuda ngadto sa mga lumulupyo sa dakbayan.
“Martin balik diri sunod bulan, please, balik diri. Kung gusto nimo palakpakan ka namo, palakpakan ka namo.”
Gikanayon ni Duterte nga kuwang matod pa ang gihatag nga ayuda niini kung itandi sa gihatag nga kahasol niini sa dakbayan.
“Balik diri. Kuwang pa. Sa hasol na gihatag nimo diri sa Davao, kuwang pa. Balik diri sunod bulan kay kuyaw man kaha ka. Naa man kaha mo’y kuwarta, guwapo inyong programa.”
Gihagit sab sa maong Mayor nga himuong P2.5 Billion na ang ipang apud-apud niini ngadto sa 1.5 milyon nga populasyon sa Davao.
Nanawagan sab kini nga ihurot sumala pa ang kahambug ug kwarta niini ug ihatag ngadto sa mga tawo.
“Balik mo diri sunod bulan. I dare you P2.5 billion kay ang tao sa Davao 1.5 million. Sayang pud kung mudagan ka ug presidente karong 2028. Balik diri, give us more.”
