Patay na nga nakaplagan ang usa ka lalaki sa Purok Singko, Cabidianan, Nabuntruran Davao De Oro kaganihang buntag pinaagi sa pag-unay sa iyahang kaugalingon gamit ang usa hikot nga gigaid sa iyahang liog.
Subay sa report sa kapulisan pasado alas sais ang takna kaganihang buntag napalgan nga wala nay kinabuhi ang usa ka Jolito Banwin 46-anyos nga residente sa nasampit nga lugar.
Nasayran nga una ng gitudlo nga Person of Interest ang nahisgutan sa naangkon nga brutal nga kamatayon sa usa ka Katorse anyos nga dalagita nga silingan ra usab sa nahisgutan diin nakaangkon ang biktima ug mga samad dinunggaban sa kalawasan niini nga maoy hinungdan sa kamatayon.
Samtang sa laing bahin ginasuta sab sa mga atoridad ang giingong POI kung aduna ba’y foul play sa iyahang kamatayon.
