Giinsister ni KOJC Legal Counsel Atty. Israelito Torreon, nga nakadawat sila matud pa ug tawag gikan sa usa ka wala nagpailang pulis nga nanghulga sumala pa kini nga bombahan ang usa ka parte sa KOJC Compound kung dili kini makig-negotiate nga ipasurender na si Pastor Quiboloy.
Gipahayag ni Torreon nga human kini makadawat ug tawag ang usa sa iyang mga associate, gilayon dayon kini niyang gitawagan si PRO XI Regional Nicolas Torre III, apan wala kini mitubag.
Kahinumdumang una nang gipanghimakak sa Police Regional Office 11 ang pahayag sa KOJC nga bombahan nila ang usa ka portion sa KOJC compound.
Gibutyag ni PRO XI Spokesperson PMaj. Catherine Dela Rey nga walay kamatuoran ang mikatag nga balita sa social media kabahin sa adunay laraw ang pulisya nga bombahan ang nahisgutang compound kung dili kini i-surender si Pastor Apollo Quiboloy.
Subli sab nga naghatag ug pahimangno si Dela Rey sa publiko nga i-verify matud pa una ang mga makuha nga impormasyon usa kini tuohan.
