Patay ang drayber sa motorsiklo human nga nabangga kini sa usa ka sakyanan pasado alas siyete kagabii sa Sirawan Toril,ning dakbayan sa Davao.
Subay sa report gikan sa Traffic Enforcement Unit nga tulo ang nalambigit nga mga sakyanan nga gilangkuban sa Suzuki Celerio nga gimaneho ni JOSEPH DOMOSMOG BAQUIRE, 55-anyos, minyu nga residente sa Tjc Ecohomes Sudapin Kidapawan City.
Samtang usa ka Yamaha nga motorsiklo nga adunay sidecar nga gimaneho ni HUMILUDINE T. ORIAS 39-anyos, minyu ug residente sa Astorga Sta. Cruz Davao Del Sur ug lakip ang usa ka Yamaha nga singgol motorsaykol nga gimaneho ni WILFREDO DELA CRUZ 60-anyos nga residente sa Prk8 Baracatan Toril, ning syudad.
Subay sa inisyal nga imbistigasyon sa TEU, sumala pa ang tulo ka mga sakyanan ang nagsubay sa maong dalan sa managlahing direksyon diin ang suszuki Celerio ang naggikan sa Toril samtang duha ka mga motor ang anaa sa pikas nga dalan.
Pag-abot sumala pa niini sa atubangan sa Bongkie Motor parts and Accessories ang motorsiklo nga adunay side car ang nkabangga sa atubangan nga bahin sa singgol nga motorsiklo ug gumikan niini nadusmo ang motor nga gimaneho ni Wilfredo Dela Cruz ug nabagnos kini sa semento nga bahin sa karsada.
Gumikan sa nasampi nga panghitabo nakaangkon ug bun-og ug pangos kalawasan ang drayber sa mga motor ug gidala sa labing duol nga ospital apan ang drayber sa singgol nga motorsiklo ang gideklara sa doctor nga dead on arrival, samtang ang drayber sa side car nga si Orias ang padayon nga gitambalan sa ospital.
Samtang drayber sa sakyanan ang gikostudiya sa kapulisan ingon man ang nalambigit nga mga motorsiklo.
Posible nga kasong reckless Imprudence resulting to homicide and damage to property ang atubangon sa drayber sa sakyanan.
