Wala nakalusot ang depensa ni DCPO Acting Chief. PCol. Hansel Marantan sa rason o hinungdan sa mga gipangmuntar nga pulis gawas sa KOJC Compound nga kanunay naga facemask, walay name plates, ug uban pa.
Atol sa nahitabong senate hearing, gikanayon ni PCol. Marantan nga nagsilbing tabang lamang sa polusyon ang pagsuot og face mask sa mga kapulisan hilabi pa nga anaa kini sa kalsada.
Apan, ayha paan niini natapos ang pagpangatarungan, gikwestyun na kini ni Senator Ronald “Bato” Dela Rosa, chair sa Senate committe on public order and dangerous drugs, nga dili rason ang polusyon sa pagsuot og facemask sa mga pulis sulod sa 24 oras ug gikanayon sab niini nga aduna siyay kasayuran ug kahibalo gumikan nahimo kining PNP Chief sa nakalabayng administrasyon.
Pagpaklaro usab sa senador, wala niini gibabagan ang mga operasyon sa otoridad ngadto kay Pastor Apollo Quiboloy apan gipahinumduman lamang niya ang kapulisan nga mahimong friendly sa publiko aron dili kini makahatag og kahadlok ug hulga sa katawhan sa Davao City.
Kahinumduman nga daan nang gikwestyun sa KOJC members ang mga dili makatarungang lakang sa mga kapulisan apan kanaunay usab kining ginatubag sa mga otoridad nga kabahin lamang sa police visibility.
Alayon niini, gipasalig ni DILG Secretary Benhur Abalos, nga moahatag kini og kamandoan sa kapulisan nga tanggalon ang facemask ug gipasalig nga mohimo og aksyon kabahin sa maong isyu.
