Giklaro sa National Bureau of Investigation XI nga dili hulga sa syudad ang pagka-kaplag sa tulo ka mortar bombs sa Brgy. Lapu-Lapu, Agdao District, ning dakbayan kagahapon.
Kahinumduman nga usa ka kagawad sa maong barangay ang mitawag sa NBI XI gumikan sa nakitang tulo ka mga mortar bombs atol sa pagpangolekta nila og basura.
Daan nang gikanayon ni Barangay Kagawad Ferdinand Malicdem, chair sa Committee on Solid Waste Management sa maong barangay nga igo lamang gihatag sa usa ka edarang lalaki aang usa ka plastic cellophane ug dayong nilakaw, apan atol sa ilang paglantaw, nakurat na lamang kini nga dili basura ang nahisgutan kondi mga explosibo.
Dali dayong nitawag sa mga otoridad ang opisyal aron sa pagresponde niini.
Sumala pa ni Atty. Arcelito Albao, NBI XI Regional Director nga live ang mga nahisgutan bomba ug posible kining mobusikad hilabi pa nga atol sa pagtuon sa Explosive Ordinance Division (EOD), susama kini sa mga bomba nga gigamit sa nakalabay nga Roxas Market Bombing nga miresulta sa daghanang casulaties.
Hinoon, gipasalig sa NBI XI nga walay hulga sa seguridad sa dakbayan snaglit posibleng concerned citizen lamang ang nitahan niini sa mga opisyal butang nga mas ginapaawnman pa nila karong panahona pinaagi sa pagpahigayon og imbestigasyon.
Ning kasamtangan, giklaro sa maong buhatan nga nagpabiling mabinantayon ang mga otoridad sa pagbantay sa seguridad sa katawhan hilabi pa sa mga nagpadayong kalihokan sa Davao City.
