Nagpadayon karon ang ginalusad nga lalom nga imbestigasyon kabahin sa pulis nga matud pa mipusil-patay kang alyas Arjay kinsa igo lamang nitabang sa nahitabong pagpanunggab sa duha ka babae sulod sa boarding house sa Purok Talisay, Zafra Compound, Brgy. East, Tagum City, kaniadtong Agosto 9, 2024.
Sumala pa ni PLt.Col Wildemar Tiu, hepe sa Tagum PNP nga ginalantaw na nila karon ang tanang mga anggulo sa nikatag nga video aron sa pagsuta sa kamatuoran sa nahitabong operasyon.
Dugang pa sa opisyal, boot sab niining makab-ot sa pamilya ni alyas Arjay ang hustisya sa iyang kamatayon pinaagi sa masusi ug patas nga pagtoon.
Dugang pa sa opisyal, daghang mga butang ang angay ikonsidera sa maong imbestigasyon kalakip na ang kangit-ngit ug ka-gamay sa lugar.
Ning kasamtangan, gitubag sa maong buhatan ang tanang galastuhon sa kamatayon sa biktima uban ang kinasing-kasing nga pahisubo.
Alayon niini, gipahinumduman sa mga kapulisan an publiko nga walay mali sa pagtabang panahon sa mga susamang krimen apan aduna matud pay kahigayonan nga mas maayong ihatag na lamang sa mga otoridad ang responsibiidad pinaagi sa pagtawag sa ilang buhatan aron dili mabutang sa risgo ang kinabuhi sa mga yanong indibidwal
