Gikwestyun karon ni kanhi Pangulo Rodrigo Duterte ang pag-aproba sa Court of Appeals sa freeze order batok kay Pastor Apollo Quiboloy.
Sumala pa ni FPRRD, dili sakto ang nahimong lakang batok sa pastor sanglit dili kini konektado sa public funds ang iyang kwarta ug gani nagsilbi pa kining chief rason nga walay saktong basehan ang pagpanghilabot sa pondo sa pastor.
Kahinumduman nga daghanang mga indibidwal ang naapektohan sa freeze order ngadto sa pastor partikular na ang mga kabatan-onan, organisasyon, ug uban pa nga nabuhi sa tabang gikan kay Pastor Apollo Quiboloy.
Gawas pa niini, nihatag usab og komento si kanhi pangulo Duterte sa mga estratehiya sa gobyerno aron madakop ang pastor.
Sumala niini nga dili gayud makatarunganon ang pagpadala ug daghanang sundalo ug kapulisan nga nakafull-battle gear hilabi pa nga usa lamang ang ilang gipangita ug gina-ila nga kalaban nga usa ka pastor.
Dugang pa niini nga walay private army ang pastor ug ang anaa lamang niini mao ang prayer warriors rason nga subli niining gikwestyun ang gobyerno kung kinsa ang kalaban niini.
Daan nang nahimong dakong hisgutanan ang gipangmuntar nga otoridad gawas sa KOJC Compound apan gitubag na kini sa mga kapulisan nga kalakip lamang sa police visbility.
