DAVAO CITY- Gipasalig sa tigpamaba sa Davao City Police Office ang presensya sa ilang mga personahe alang sa nakadaiyang tulunghaan ning dakbayan.
Kini aron sa pagseguro sa seguridad ug kaluwasan sa mga kabataan hilabi pa kadtong mga nag-edad og 10 anyos paubos. Sumala pa ni P/Capt. Hazel Tuazon, tigpamaba sa DCPO nga gawas mga personahe gikan sa ilang buhatan, anaa usab ang presensya sa CTTMO, Auxillary, ug uban pa nga maoy sibling mo giya sa mga kabataan nga naga-gawas sulod sa mga tulunghaan.
Kahinumduman nga sa nakalabay nga tuig, daghanang mga insidente sa kadalanan ang gikalambigitan sa mga esudyante rason nga nagmuntar na karon og mga peronahe gawas sa tulunghaan sulod sa pipila ka oras.
Apan bisan paman sa presensya sa mga nahisgutan, giawhag gihapon ni Tuazon ang mga ginikanan ug guardians nga dili usab pasagdan ug biyaan ang ilang mga anak hangtod nga kini makasulod na sa classroom.
Dugang pa niini nga gikanahanglan karon ang pagtinabangay alang sa laraw nga walay estudyante ang mabutang sa dili maayong sitwasyon.
Ning kasamtangan, gikabutyag sab sa LTO XI nga wala pa sila nagsugod og panakop sa mga traysikol nga mo-agi sa national highway aron sa paghatod sa ilang mga estudyante.
Hinoon, gipasalig sa buhatan ang pagbalik og panakop sa mga kolurom nga tricycle human sa Oplan Balik Eskwela.
