DAVAO CITY- Wala na gipatulan pa ni PBGen. Nicholas Torre III ang mga pagbahad ug batikos ni Davao City Mayor Sebastian Duterte batok kaniya kalabot sa ginapatuman niining 3-minute response time ug pagpili og opisyal sa Davao City Police Office.
Sigon pa ni Torre, dili na angay tagaan pa og pagtagad ang mga giluwatang pamahayag sa mayor.
Kahinumduman nga atol sa usa ka interview, gitawag ni Mayor Baste si Torre nga nagpahawd-hawd human matud pa nihimo og konklusyon nga daghan og krimen dinhi sa dakbayan bisan paman bag-ohay lamang kini sa pwesto ug walay igong basehan ang iyang gipangbutyag.
Gumikan sa kapungot sa mayor, wala na niini napugngan pa ang kaugalingon sa pagbutyag nga gusto niining sagpaon si Torre kung adunay kahigayonan nga sila mag-atubang.
Sumala pa ni Mayor Baste, walay nahimo nga kabag-ohan sa syudad ang gipasalig niining 3-minute response time hilabi pa nga matud sa mayor “conflict is always there’.
Daan ng adunay pangutana si Mayor Baste sa mga lakang nga ginabuhat ni Torre sa syudad ug nakatampo pa ang nahitabong pag-ilis-ilis niini og gituboy niini nga DCPO Diretor kaniadtong nakalabay nga bulan.
