DAVAO REGION- Nakaandam na ang Land Transporatation Office (LTO) XI kalabot sa Oplan Balik Eskwela 2024, karong adlawa. Sumala pa buhatan nga nakipag-alayon na ang ilang opisina sa Philippine National Police (PNP), Local Government Units-Traffic management offices ug LTO Enforcers aron sa pag bisita sa mga nagkadaiyang tulunghaan sa rehiyon.
Sumala pa ni Yuri Lim, LTO XI-Law Enforcement Division Head nga laraw usab sa ilang buhatan nga mapaila pa sa mga estudyante ug magtutudlo ang road safety aron malikayan ang mga disgrasya.
Hilabi pa sa maghatag og kahibalo ug seguridad sa mga estudyante nga nagatabok-tabok sa mga kalsada.
Alayon niini, hugtanong gipahinumdoman sa buhatan ang mga drayber nga dili magpasagad sa mga kadalanan hilabi pa karong balik na sa klase. Sa pikas bahin, gipahugtan usab sa ahensya ang pagbantay sa mga terminal pinaagi sa ginapahigayong inspections lakip na ang pagpatuman sa traffic rules and regulation.
Pagpaklaro pa sa LTO nga wala nahimong problema ang gidaghanon sa ilang mga personahe gumikan gi-maximize gayud nila pinaagi na usab sa tabang sa ubang pang law enforcement agencies.
