DAVAO CITY- Gipasigarbo sa Regional Director sa Police Regional Office (PRO) XI ang pagtarong sa sistema Davao City Police Office (DCPO). Sumala pa ni PBGen. Nicholas Torre III nga primordial mission gayud niini ang welfare sa iyang mga tao.
Dakong kurat matud pa sa opisyal sa dihang nasuta pag-bot niini sa dakbayan nga adunay mga kapulisan nga nagatrabaho og 12 ka oras matag adlaw ug 6 ka adlaw sulod sa usa ka semana.
Sigon ni Torre nga bisan paman mabuhat gihapon sa mga kapulisan ang ilang trabaho, posible gihapon makompromiso ang police services rason nga mao kini ang iyang una nga gitagaan og pagtagad.
Kalakip sa gipalambo sa opisyal mao ang sistema sa detailing, deployment, ug paspas nga pagresponde sa DCPO. Sa pikas bahin, gikumpirma sa opisyal ang padayong pagpangita kay Pastor Apollo Quiboloy.
Matud pa ni PBGen Torre III nga bisan paman dili kini ang iyang pokus sa pagdestino sa rehiyon, adunay national headquarters nga naga-oversee sa among laraw.
Dugang pa niini nga usa lamang kini ka simple nga implementasyon sa warrant of arrest nga nahisubay sa balaod.
