Miabot na sa tulo ka kinabuhi ang nakalas gumikan sa sakit nga dengue sa Tagum City.
Nadungang sa maong ihap ang usa ka noybi anyos nga batang babaye nga wala naluwas sa maong sakit.
Sumala pa sa datos sa City Epidemiology Surveillance Unit- Tagum, 53 na ang mga natalang bag-ong kaso sa dengue diin gikan sa bulan sa Enero hangtod Hulyo, mukabat na sa 933 ka mga bata ang nataptan sa maong sakit.
Nag-una gihapon sa daghang kaso sa dengue ang Brgy. Visayan ug gisundan kini sa Mankilam ug Apokon.
Giawhag karon sa buhatan ang katawhan nga mahimong aktibo sa pagbatok sa dengue pinaagi sa 5S kontra dengue nga mao ang: Search and destroy breeding sites; Self-protection from mosquito bites; Seek early medical consultation; Support fogging in areas with clustering of cases; and Sustain hydration.
