Malaumon ang Regional Anti-Trafficking Task Force (RATTF) XI sa mga lakang nga buhaton sa gobyerno aron sa matubag ang mga isyu kabahin sa human trafficking sa nasud.
Sumala pa ni Norman Solis, Provincial Prosecutor ug Acting Chief of Operations sa maong buhatan, niabot sa 77 ang ihap sa mga victims survivors nga natala sa ilang ahensya kaniadtong tuig 2023 ug ning kasamtangan tuig 48 ka mga kaso na ang natala.
Alayon niini, 55 ka mga offenders ang na-prosecute gikan sa Davao City, tulo sa Digos City, pito sa Panabo City, duha sa Mati, Lima sa Samal, usa sa Davao del Sur, samtang usa sab sa Davao Occidental.
Ning kasamtangan, padayon ang koordinasyon sa DSWD ug DOJ sa pagtubag sa maong problema.
Dugang pa nga sagad sa mga edad sa biktima ang anaa sa 15-18 anyos.
Gumikan niini, adunay forum nga ipahigayon ang buhatan sa umalabot nga Hulyo 31 uban sa laraw nga mahatagan og edukasyon ang 182 Brgs sa dakbayan.
Giawhag usab sa opisyal ang mga ginikanan nga limitahan ang pag-uyon sa paggamit og gadgets sa mga bata alang sa cyber safety education.
