Obligahon sa Commission on Elections (COMELEC) si suspended Bamban, Tarlac Mayor Alice Guo nga muatubang og ugaling mafile na ang election case batok kaniya.
Kini ang tungod kay kasamtangan nga nagakahitabo angi mbestigasyon sa poll body kalabot sa kandidatura sa suspendito nga alkalde niadtong 2021-2022 human mabulgar ang mga detalye sa kwestyunable niini nga pagkatawo ug nasyonalidad.
Pagpasabot ni Comelec Chairman George Erwin Garcia nga og tubagon sa usa ka ginapasanginlan ang mga pasagil batok kaniyam kinahanglang niining magfile og counter-affidavit ug dili kini pwedeng pagabuhaton sa iyahang abogado tungod ang akusado ang kinahanglan nga magfile ug manumpa alang sa authenticity sa affidavit.
Buot usab sa Comelec nga adtuon ang local registrar sa Bamban, Tarlac kong diin giproceso ni Guo ang iyahang certificate of candidacy niadtong 2021 ug midaug isip alkalde niadtong Mayo 2022 nga election.
Lakip usab sa imbestigasyon sa poll body ang pagcheck sa 2 ka set sa fingerprints ni Guo sa Comelec database nga nakuha sa nakalabayng 2 ka election.
Target usab sa Comelec Chairman nga mapagawas ang report sa komisyon kalabot sa kaso ni Guo ayha pa man magsugod ang filing sa Certificate of candidacy sa Oktubre 1 hangtod Oktubre 8.
Sa pagkakaron, wala gihapon mahibal-an og asa nahimutan si Guo human nga wala kini makit-an ug wala maaresto sa dihang giserve sa Senate sergeant at arms ang arrest order batok sa alkalde tungod sa wala kini makasalmot sa pagdungog kalabot sa gi-raid nga POGO hub sa Bamban nga nalambigit sa mga iligal nga operasyon.
