DAVAO CITY- Mukabat sa kapin P37,000 ang kantidad sa illegal nga droga nga nakumpiska sa Davao City Police Office (DCPO) atol sa 24 oras nga operasyon gikan Hulyo 18-19 ning tuig kasamtangan.
Sumala pa nga gikan ang moang kantidad, lima ka mga ndibidwal nga nadakpan sa managlahing dapit ning dakbayan.
Subay sa datos nga gipaguwa sa moang buhatan, P9,248 ang kantidad sa illegal nga droga nga nakumpisaka sa San Pedro PNP, P1,292 sa Sasa PNP, P6,120 sa Calinan PNP, samtang P20,400 nga kantitad sa illegal nga droga ang nakumpiska sa Buhangin Police Station.
Kabahin niini, gipasalamatan sa buhatan ang mga Brgy. Officials, LGU, ug ang komunidad sa pagtabang sa laraw nga magpadayon ang kalinaw sa syudad.
Sa pikas bahin, subling nagpahinumdom ang DCPO sa paghupot og armas nga walay igong dokumento nga kalapasan sa RA 10591 kon Comprehensive and Ammunition Regulation Act.
Gikinahanglan matud pa ang pag kooperar sa mga gipatuman nga balaod aron nga mapadayon ang kahapsay sa Davao City.
