DAVAO REGION- Gikabutyag sa Department of Labor and Employment (DOLE) XI nga miubos ang unemployment rate dinhi sa Davao Region karong tuiga.
Sumala pa ni Atty. Jason Balais, Regional Director sa DOLE XI nga ning kasamtangan, moabot na sa kapin 2.28 million ang ihap sa mga indibidwal nga adunay trabaho dinhi sa rehiyon diin subay sa datos nga gipaguwa sa maong ahensya, miubos sa 3.3% ang mga walay trabaho gikan sa bulang enero ning tuig kasamtangan kung itandi kini sa 4.5% sa susamang panahon sa nakalabay nga tuig 2023.
Dugang pa nga base sa datos sa Philippine Statistics Authority XI, moabot na sa 96.4% ang employment rate dinhi sa rehiyon nga katugbang sa 2.28 milion ka mga indibidwal ang adunay trabaho samtang anaa lamang sa 3.6% o 85 million ang mga walay trabaho.
Gumikan niini, malaomon ang maong buhatan nga mas modaghan pa ang adunay trabaho pinaagi sa pagpahigayon og mga job fairs kalakip na ang pag-awhag sa inbidiwal nga makiglambigit sa mga itanyag nga trabaho sa nagkadaiyang ahensya sa Davao Region.
