Nihatag og katin-awan si kanhi Pangulo Rodrigo Duterte kalabot sa tumong sa Hakbang ng Maisug nga mao ang mabatian ang kabag-ohan ug dili ang pagpukan sa gobyerno.
Kini mao ang gipahayag sa pangulo pinaagi sa recorded message atol sa Maisug Prayer Rally sa Angeles, Pampanga, kaniadtong adlawng Lunes.
Gipasabot sa kanhi pangulo nga wala siyay kasuko sa Presidente apan aduna lamang kini’y mga kasubo nga boot ipadayag kalakip na ang panghinaot nga paminawon kini sa kasamtangang admisnistrasyon.
Naglaom usab kini nga madungog gikan karon ug unya ang mga mulo gikan sa katawhan aron masayod ang gobyerno sa sentimento gikan sa katawhan.
Sa pikas bahin, nangayo kini og despensa sa katawhan kalabot sa kapakyasan niini nga makatambong sa rally tungod sa kakulang niini og pondo. “I am retired, my money I just keep. I am in retirement, that is my source of sustenance,” he said.?“Sorry I could not go. But would like to congratulate you for your gesture to show to the country and to the world that we have grievances,”
Kahinumduman nga nahimong sentro sa nasud ang isyu sa matud pa laraw ni kanhi pangulo nga mapukan ang gobyerno pinaagi sa pagpahigayon niini og prayer rally sa managlahing dapit sa nasud Pilipinas.
