Gitumbok ni Lingayen- Dagupan Archbishop Socrates Villegas ang China isip usa ka “bahad kon Hulga ” sa soberanya sa Pilipinas, ug giluwatan niini ang makadaot nga gihimo sa China Coast Guard tungod sa pag-angkon sa kadagatan sa Pilipinas.
Dugang pa sa gipaguwa nga pastoral letter bag-uhay lamang nga alang sa Archdiocese of Lingayen Dagupan ug sa tanang Pilipino nga adunay pagpamatuod ang gihimong paglinlang sa mga pagsulay sa ilahang gahom sa pagdumala pinaagi sa usa ka ideolohiya nga sumala pa sa nahisgutang Arsobispo nga binuhatan sa mga wala moila sa Diyos ug gipabilin ang tanang relihiyon lakip sumala pa ang pagpahigayon ug pagsalig ug pagtuo ilawom sa “totalitarian boot” niini aron nga yatakan ang atong mga kabaybayunan.
Gibutyag sab Archbishop. Villegas nga usa ka “provocative actions” ang gihimo sa China batok sa barko sa Philippine Coast Guard ilabi na sa Escoda Shoal.
Gipasabot sab niini ang mga posibilidad nga ang gobyerno nasudlan na sa Chinese assets, nga iyahang gibutyag nga kasamtangang gina-imbistigahan sa Kamara ug Senado.
Sumala pa kang Villegas, adunay “moral issue” nga naglambgit sa aksyon sa Tsina kabahin sa mga interes sa mga Pilipino sa pag-angkon sa ilahang kaugmaon pinaagi sa mga tinubdan nga gihatag kanila sa Kahitas-an.
Ingon-ini sumala pa ang “moral issue” sa panginahanglon nga ipatigbabaw ang katungod sa nasud ug ipasulabi ang pagtuo sa Diyos, lakip ang katungod nga maprotektahan ang nasud ug katawhan gikan sa pagsulong sa mga ahente nga gitawag niini nga usa ka “atheistic ideology.”
Samtang, giimbitahan ug giawhag ni Arch. Villegas ang publiko nga mosalmot sa Rosary campaign gikan sa Hunyo 27 hangtod sa Solemnity of the Assumption sa Agosto 15.
Nanawagan usab siya sa mga Katoliko nga magpuasa kung mamahimo, ingon man ang uban pang himuon nga mga gimbuhaton isip penitensya sulod sa susamang panahon.
Giawhag sab ni Villegas ang mga magbabalaod nga magpabiling determinado sa ilahang imbestigasyon, ilabi na ang mga hisgutanan sa mga Chinese Infiltrators.
Giawhag sab niini ang mga prosecutors ug mga huwes nga mamamahimong matinud-anon sa ilahang gipanumpaan nga gimbuhaton isip mga tigdumala sa hustisya aron nga makita ang pagpursige ug pagsilot sa tanang nagtamay sa mga prosesong legal ug administratibo sa nasud.
Naglaom usab ang Arsobispo sa mga uniformed personnel nga nagpatrolya sa giilugan nga katubigan ang mamahimong makadawat ug suporta nga gikan sa gobyerno.
Ang Pastoral Letter sa kanhing CPCP President ang gibasa ni Reverend Msgr. Manuel Bravo Jr. atol sa Santos nga Misa.
