Gipasigarbo karon sa Police Regional Office 11 ang pagkabutang sa dakbayan sa Davao sa ikaduhang pwesto isip safest city in Southeast Asia sa Numbeo’s Southeast Asia Safety Index 2023, nga adunay safety index score nga 72.4.
Gibasi ang safety index sa overall level of crime sa usa ka syudad o nasud diin usa ka makuti sumala pa ang pagpili niini subay sa minimum number of contributors aron nga masiguro ang statistical significance niini.
Gikuha ang datos gikan sa mga survey nga gipahigayon sa Numbeo’s website, nga adunay mga pangutana nga susama sa mga scientific ug government surveys.
Gikwenta ang index sa scale nga gikan sa 0 to 100 mahitungod sa statistical analyses on global living conditions, lakip ang crime rates sa usa ka lugar.
Kini ang giisip nga world’s largest database nga gigamit sa mga nahipos nga datos mahitungod sa mga syudad ug nasud, nga nagtanyag ug bag-o ug timely information sa nagkadaiyang kahimtang sa pagpuyo sama sa cost of living, housing indicators, health care, traffic, crime, ug pollution.
Subay sa statistical data nga nahipos sa Davao City Police Office (DCPO) gikan Enero hangtod Mayo 2024, adunay pag-ubos sa total crime incidents ngadto sa 1,759, nga ubos sa nakalabay nga tuig nga adunay 28.47% nga pag-ubos sa index crimes.
Adunay pag-ubos sa mga kasupakan sa special laws atol ning panahuna.
Gikanayon sab sa kapulisan nga ang naangkon nga positibong survey ang makapataas sa morale ug makapadasig sa mga personahe sa PNP dinhi sa dakbayan sa Davao sa paghatag ug seguridad ug pagprotekta sa katawhan lakip na sa tibuok rehiyon.
Gipasalamatan sab sa PRO 11 ang mga indibidwal nga mipartisipar sa Numbeo survey ug giawhag ang komunidad nga ipadayon ang pagsuporta sa kapulisan.
