Nakumpiska ang armas ug iligal nga droga atol sa gilusad nga drug buybust operation sa mga operatiba sa Bajada PNP pasado alas 9 kagabii sa Blk 38, Lot 39, Phase 9B, Deca Homes, Mintal, ning syudad sa Davao.
Subay sa report gikan sa kapulisan nadakpan ang usa ka Alias “MADAM” (HVI)kon High Value Individual ug anaa sa ikalima sa syudad nga listahan sa pagpayuhot ug iligal nga droga.
Lakip sa mga dinakpan ang duhaa niini ka mga kaubanan.
Sa panimalay sa suspek nakumpiska sa otoridad ang tulo ka mga dagkong pakete sa iligal nga droga kon SHABU nga adunay standard Drug Price nga mokabat sa Php 47,600.
Nakuha sab sa otoridad gikan sa duha ka mga kaubanan sa dinakpan ang usa ka.38 nga rebolber nga adunay mga bala.
Sa karon giandam na ang kaso nga pagsupak sa RA 10591 kon paghupot ug armas nga walay igong dokumento samtang mag-atubang sab kini ug kaso nga pagsupak sa RA 9165.
