-- ADVERTISEMENT --
DAVAO DEL SUR – Tiklo sa mga sakop sa Padada Municipal Police ang gikonsiderang Top 1 High Value Individiual atol sa nahitabong drug buy bust operation sa Purok 4, Brgy Harada Butai, Padada, Davao del Sur niadtong milabayng adlaw.
Giila sa mga otoridad ang dinakpan nga si alyas “Awing,” 53 anyos, nagpuyo sa Purok Nangka, Brgy Paligue, Hagonoy, Davao del Sur.
Nakumpiska gikan sa dinakpan ang duha ka pakete sa gituohang shabu nga dunay kapin kulang .75 gramos ang gibughaton ug mibalor sa Php 3,400 ang gibanabanaang kantidad.
Lakip ang usa ka Php 500 nga buy bust money, usa ka cellphone ug usa ka coin purse.
Gikustodiya na ang suspek sa Padada Municipal Police Station ug giandam na sab ang kasong kalapasan sa R.A. 9165 batok sa dinakpan.
-- ADVERTISEMENT --
