DAVAO CITY – Nagpaklaro ang Police Regional Office – XI nga anaa lamang sa P6 million ang standard drug price inay P14.4 million ang kantidad sa shabu nga una nang gibilin sa usa ka lalaking pasahero sa Calinan Checkpoint niadtong nakalabay’ng adlaw.
Nahibal-an nga nagpabilin sa 900 gramos ang gibug-aton sa nakumpiskang shabu niadtong adlawng Miyerkules, Mayo 29, bandang alas-3:10 sa hapon.
Sa pikas bahin, gikanayon sa Task Force Davao nga nagpadayon ang gikasang hot pursuit operation sa otoridad alang sa pagpangita sa suspek nga gikatahong daling miikyas ayha paman kini mipailalom kauban ang iyang dala sa XRAY baggage machine nga gimuntar sa checkpoint.
Base sa imbestigasyon sa kapulisan, ang gipakanaog ang tanang pasahero sa bus aron ipaubos sa inspeksyon.
Giingong gilabay sa usa ka lalaki nga pasahero ang usa ka kahon nga adunay sulod lamang nga ilegal nga drugas imbes nga moagi sa screening section.
Mihimo dayon og hot pursuit operations ang kapulisan alang sa pagpangita sa suspek, apan wala na nila nakita pa.
