DAVAO CITY – Nagbinigyanay ang mga grupo sa kabatan-onan sa Guadalupe Village, Matina Pangi, Davao City pipila ka oras human sa pagsugat sa 2024.
Nakita sa giupload nga video sa social media nga dunay nagsumbag sa likod sa usa ka batan-on nga lakaki ug wa magdugay, nagkagubot ang palibot gumikan sa maong komosyon sa nagsinumbagay nga mga batan-on.
Dunay mga nag-awat nga mga hamtong sa maong engkwentro. Apan, nagkagubot pag-usab gumikan sa laing batan-on nga gitabangan sa mga kabatan-onan.
Nahawan sab ang tanan sa dihang miabot ang mga nagpatrol nga mga pulis.
Pagbutyag sa 15 anyos nga biktima nga napasanginlan lamang sila nga nanglabay og bato apan iyaha kining gipanghimakak.
Gikumpirma sa Peace and Order Office sa Barangay Matina Pangi, napasanginlan ang grupo sa 15 anyos nga biktima nga pisikal pang gitabangan sa maong grupo nga gipangunahan sa 20 anyos nga suspek.
Kasamtangang nakakustodiya ang suspek sa Talomo Police Station ug giandam na ang kasong paglapas sa Republic Act No. 7610, kon Special Protection of Children Against Abuse, Exploitation, and Discrimination Act.
Pagpaklaro sa Davao City Police nga dili riot kon dili usa ka komosyon lamang ang maong panghitabo gumikan kay walay gikalambigitan nga fraternity o grupo ang 15 anyos nga biktima.
