DAVAO CITY – Kabsan sa kinabuhi ang usa ka pulis human aksidenteng nabuthan sa dihang gilimpyuhan ang iyang kaugalingong pusil.
Subay sa taho sa Bansalan Municipal Police, giila ang biktima nga si Patrolman Jhaniel Salip Pepito, 27 anyos, nakadestino sa 2nd Davao Sur Police Mobile Force Company, ug nagpuyo sa Zapanta Subdivision, Barangay Mabuhay, Bansalan, Davao Del Sur.
Sumala sa taho, bandang alas 12:55 sa kaadlawon, Enero 1, dihang napalgan sa inahan nga si Anita Salip Pepito nga naligo sa kaugalingong dugo ang iyang anak sa salog sa iyang kwarto.
Saysay pa sa inahan nga iyang nakit-an nga nisulod sa kwarto ang anak aron limpyuhon ang iyang armas.
Sa dihang nakadungog na lamang siya og pagbuto. Pag-adto sa kwarto, diha na mibungad kaniya ang nagkadugo nga lawas ni Jhaniel.
Gidali-dali pa og hatod ang biktima sa balay-tambalanan apan gipahibalo na lamang nga wala na kini kinabuhi. Gilagak na sa punerarya ang patayng lawas ni Jhaniel alang sa post mortem examination.
via || Bombo LJF
