DAVAO CITY – Gipasalig sa 10th Infantry Division sa Philippine Army ang ilang suporta ngadto sa COMELEC alang sa Barangay ug Sangguniang Kabataan Elections karong tuiga.
Sumala sa tigpamaba sa 10ID nga si Major Mark Anthony Tito, gikatakdang magpakatag sa ilang augmentation ang pwersa sa kasundaluhan alang sa dugang seguridad atol sa barangay polls karong Oktubre 30.
Una nang gikabutyag sa COMELEC nga nagkinahanglan og tabang sa mga law enforcement agencies aron mapahapsay ang dagan sa proseso sa pagbotar sa barangay.
Sa laing bahin, ginaandam sab sa kasundaluhan ang dul-ang nasa 2,500 ka mga personahe gikan 10ID nga ipakatag sa managlahing lugar sa rehiyon.
Gipaklaro sab sa opisyal nga dili sakop ang kasundaluhan sa gipakanaog nga reassigning sa mga myembro sa kapulisan nga dunay paryente o pamilya nga mupapili sa piniliay.
Sa pagkakaron, wala pay nadawat nga mga hulga pangseguridad sa rehiyon pipila ka adlaw una ang BSKE. Ilaha sab gipaalerto ang mga pwersa sa gawas sa area of responsibility aron dili makasulod ang bisan unsang dautang katuyoan sa mga waluhon nga grupo.
Nag-awhag na lamang ang kasundaluhan ngadto sa katawhan nga makipag-alayon kanilla kon ugaling masayran ang mga managlahing binuhatan sa extortion.
via || Bombo LJF
