DAVAO CITY – Himas rehas ang mga Dabawenyo vloggers nga sila Mark Lester San Rafael, Mark Hiroshi San Rafael ug Eleazar Stephen Fuentes, o mas naila isip ang grupong Tukomi human sila nadakpan tungod sa holdap prank nga ilang gibuhat sa usa ka establ niadtong Abril.
Kahinumduman nga sa gihimo nilang prank sa usa ka establsyemento sa Las Pinas City, nabiktima ang usa ka pulis nga nakahimo sa pagbadlong sa mga nagpakaaron ingnong kidnappers apan dali silang nagpaklaro ngadto sa pulis nga prank lamang ang ilang gihimo.
Apan inay nga pasayluon, gipangkasuhan ang Tukomi og kasong alarm and scandal sa pulis. Ilado ang Tukomi sa social media tungod sa mga skits ug pranks nga gikan sa dakbayan, gidala ngadto sa kauluhan.
Kasagarang unod sa ilang content, gibatikos sa pipila ka grupo sa mga tawo.
Tuig 2018 dihang naligo ang usa sa mga myembro sa fountain sa usa ka mall sa Davao City.
Kahinumduman niadtong 2022, gikasuhan sa National Commission on Muslim Filipinos ang grupo tungod sa ilang gihimo nga Arabo prank diin naglabay sila og itom nga bag sa usa ka barberohan ug nidagan gilayon nga daw nag-unod kini og usa ka bomba.
Duna’y 4.21 million subscribers ang ilang channel ug 15.2 thousand followers ang ilang social media page. Giatubang na sa grupo sa mga influencers ang paglapas sa Article 153 sa Revised Penal Code.
via || Bombo LJF
