DAVAO CITY – Nanawagan ang Davao del Norte Police Provincial Office ngadto sa katawhan nga itugyan ngadto sa mga otoridad ang mga nahibal-an sa gikahimutangan sa mga suspek sa pagpatay sa public school teacher nga si Grace Galfo, kansang napatay niadtong Hunyo 13 sa Purok 2, Brgy. Poblacion, New Corella, Davao del Norte.
Ulahing nakuhaan sa CCTV ang duha ka mga riding in tandem nga positibong gitudlo sa mga saksi.
Nakit-an sa footage nga nagbahis-bahis ang duha ka mga suspek sa highway duol sa New Corella Elementary School ug miadto sa duha ka establisyemento una pa gisundan ang biktima ug gidayon sa pag-tion ang maestra.
Hinuon, luwas ang gisundo niyang anak atol sa insidente. Gipakita na sab sa Davao del Norte PNP ang nawong sa duha ka suspek.
Nagpakitabang na karon ang kapulisan sa pag-ila sa kasamtangang lokasyon sa mga suspetsado.
Mamahimong tawagon ang New Corella Police Station sa numerong 0998-598-7112 o sa Provincial Investigation and Detection Management Unit sa numerong 0998-598-7100.
via || Bombo LJF
