DAVAO CITY – Mibalor ngadto sa P37,890 ang kantidad sa iligal nga sigarilyo ang nakumpiska sa otoridad atol sa gipahigayong buybust operation sa kapulisan ngadto sa Purok 2, Barangay 5-A Pag-asa, Bankerohan ning dakbayan.
Subay sa rekord, nailhan ang dinakpan nga mao si Lingling Darapa, 50 anyos,minyo ug residente sa nahisgutang dapit.
Atol sa operasyon, naabtan sa otoridad si Darapa nga namaligyag 10 ka pakete sa iligal nga sigarilyo ngadto sa nagpakaron-ingnon nga mamalitay.
Atol sa pagrekesa, nakumpiska ang lain pang mga karton/pakete sa sigarilyo sama na lamang sa:
57 ka pakete sa New Orleans American Blend
78 ka pakete sa Greenhill Menthol
35 ka pakete sa New Orleans Black Menthol ug daghanan pa.
Sa pagkakaron, anaa na sa kustodiya sa kapulisan ang dinakpan ug ginahikay na usab ang kasong RA 10643 kon Customs Modernization and Tariff Act.
via | Bombo DDB
