DAVAO CITY – Usa ang patay human naunlod ang usa ka panagatan nga adunay pangalan nga Genesis 2 sa kadagatan sa Bagangga, Davao Oriental pasado alas 12 ang takna kaganihang kaadlawon.
Sumala sa report gikan sa Philippine Coast Guard nga katunga nga bahin sa bangka nga panagatan ang naunlod nga maoy hinungdan sa pagkaunlod sab sa 14 ka mga crew.
Sumala pa sa kapitan sa bangka nga si Allan Donaire, nakasinati sila ug kalit nga pag-usab sa sitawasyon sa kadagatan, ug gumikan sa mga dagkong balod nga maoy hinungdan sa ilang pagka-unlod. Nasayran nga dunay 24 ka mga sakay ang nasampit nga panagatan.
Sa pagkakaron, adunay siyam ang missing nga padayon sa ang gipahigayon nga search ang rescue operation. Wala pa usay gipaguwa nga dugang detalye kung taga asa ang mga nahisgutan ingon ang mga pangalan sa mga biktima nga sakay sa usa ka panagatan.
Tungod sa maong panghitabo, nagpadala ug BRP Tubbataha (MRRV-4401) ang Philippine Coast Guard aron sa pagpangita sa 9 nga nanga-missing karong panahuna.
Samtang ang kompanya sab sa bangkang panagatan ang nagpadala sab ug grupo sa ipahigayon nga Search and Rescue Operation.
