Davao City – Gikustodiya sa Montevista Municipal Police station ang usa ka mag-uuma human nga naabtan kini sa ilang mga sakop sa crime scene ang suspek nga naghupot kutsilyo nga nagtindog duol sa biktima nga nagkadugo nga naghigda sa dalan sa Purok 2, Barangay San Jose, Montevista, Davao de Oro pasado alas 8:00 sa gabie.
Giila sa kapulisan ang suspek nga si Rene Talisic Goc-ong 45 anyos, nga residente sa nahisgutang lugar. Giila usab sa kapulisan ang biktima nga si JB Imba Mawang, 26 anyos nga taga Purok 5 Barangay Lebanon, Montevista.
Subay sa imbestigasyon, samtang nag-inom ang suspek ug iyahang igsoon, kalit na lamang naabot ang biktima nga nagdala og kutsilyo ug gidunggab ngadto kang Goc-ong sanglit nakalikay kini ug nailog sa suspek ang kutsilyo ug maoy gidunggab pabalik ngadto sa biktimang si Mawang. Gisulayan pa og dala sa ospital si Mawang sanglit nakabsan na kini sa iyang kinabuhi.
