DAVAO CITY – Patay ng nakaplagan sa kapulisan ang usa ka 32 anyos nga technician samtang kini nagapahuway human mikaon.
Saysay sa mga kauban niini sa ginaabangang panimalay nga nahimutang sa Lamparas Compound, Jose Abad Santos, Barangay 9-A ning dakbayan, human nga mikaon ang biktimang nailhang si Jherabil Canoy, minyo, nananghid matud pa kini nga magpahuway una sa iyang kwarto tungod galain ang paminaw niini.
Apan, sa wa damhang higayon, sa dihang padulong na matulog ang kauban sa biktima, nakita na lamang niini nga nagkulob si Canoy ug wala na miginhawa rason nga dali kining nanawag og tabang sa Central 911.Gani, gisulayan pa kini sa pagtabang apan gideklara na kining patay.
Gikumpirma usab sa kapulisan nga wala silay nakita nga nga foul play apan nasayran nga giataki kini sa kasing-kasing
.
