DAVAO CITY – Kabsan sa kinabuhi ang duha ka mga bata samtang usa ang kritikal human nga gipangdnggab sa ilahang stepfather sa Barangay San Jose, Caraga, Davao Oriental bandang alas 12:00 sa kadlawon, Hunyo 7, ning tuig.
Saysay pa sa mga residente, nakadungog sila og shagit gikan sa maong panimalay ug dako nalang ang ilahang kakurat human mibanaw na ang dugo sulod sa balay sa suspek. Giila ang suspek nga si Mario Dondon Indawa nga residente sa susamang bahin.
Atol sa insidente, misulay matud pa og pagkamatay ang ama-ama pinaagi sa paglas-las sa iyahang sarili apan, na-aksyonan kini og layong gidala sa Municipal Health Center.
Subay sa taho, wala sa insidente ang asawa sa suspek nga giilang si Che Che Portillo nga nilakaw kaniadtong adlaw sa Huwebes aron manarabaho sa syudad sa Mati.
Ning kasamtangan, padayon gihapon nga ginasubay sa kapulisan sa Caraga ang motibo sa krimen.
Gani, sa pagkakaron, anaa na sa Davao Oriental Provincial Hospital ang suspek lakip na ang anak niini nga anaa sa kritikal nga sitwasyon. Gani, gihaya na usab ang panganay nga anaa pa sa Grade 3 ug kinamanghuran nga anaa pa lamang sa pre-school.
