-- ADVERTISEMENT --
DAVAO CITY – Narekober sa Bajada Police Station ang klase-klaseng mga bala nga nahimotang sa usa ka junkshop sa Del Pilar Extension, Barangay San Antonio, Agdao, Davao City.
Sigon sa report, gilayong naadtuan sa kapulisan ang maong junkshop human nila nadawat ang maong impormasyon.
Gipadala dayon ang mga sakop sa Explosive Ordinance Disposal Unit sa Davao City Police Office, dihang ilang naplagan ang klase-klaseng mga bala sama sa 5.56mm, caliber 50, 7.62mm-ball ug uban pa.
Sumala sa station commander sa Bajada Police, nga si Police Major Antonio Luy, karaang klase ang mga narekober nga mga bala nga nakalutan sa backhoe ug wala kini sagol nga mga pabuto kon explosibo.
Gikustodiya na sa EOD sa DCPO ang mga nakuhang bala.
-- ADVERTISEMENT --
via || Bombo LJF
