DAVAO CITY – Nagpahinumdom ang 10th Infantry Division ngadto sa publiko nga i-report sa mag otoridad ang nadawat nilang mga text scams human nga gikumpirma nga dunay nagpaluyo niini nga grupo nga nagpaka-aron ingnong myembro sa mga komunistang grupo aron mangayo og tabang.
Matud pa ni 10ID Spokesperson Major Mark Anthony Tito, nakadawat ang ilang buhatan og ubay-ubay ka reports kalabot sa ginahimong extortion sa mga grupo nga matod pa gipapangayuan ang mga biktima og kwarta gamit ang usa ka mobile application.
Bisan pa isolated cases lamang ang ilang nadawat, gipapaigmat gihapon ang katawhan batok sa mga nanggawas nga modus sa mga mangingilad.
Dugang pa, wala gihapon natalang mga kalihukan sa mga rebeldeng grupo sukad gawasnon na sa insurhenssiya ang Davao Region sukad niadtong tuig.
via || Bombo LJF
