DAVAO – Lima ka mga mananagat ang nasakpang nagpahigayon og ilegal nga pagpamasol atol sa gipahigayong operasyon sa mga kadagatan sa Santiago, Caraga, Davao Oriental.
Giila sa Caraga Municipal Police, ug MFARMC-Bantay Dagat ang mga dinakpang sila Marlon Singson, 36 anyos; Romeo Tanduyan, 23 anyos; Ronie Tanduyan, 20 anyos; ug Aljun Orungan, 21 anyos, pulos taga-Baculin, Baganga; ug Dave Cervantes, 25 anyos, taga-Mati, Davao Oriental.
Nakumpiska gikan sa mga dinakpan ang usa ka bangka, ug ubang gamit sa pagpanagat sama sa compressor tank, compressor engine, 300 metros nga hose; lakip na ang 30 kilos nga isda nga anaa sa kapin kulang na P10,500 ang kantidad.
Paslak na sa selda ang mga dinakpan nga nag-atubang og kasong kalapasan sa RA 10654 kon Philippine Fisheries Code of 1998.
via || Bombo LJF
