DAVAO CITY – Kabsan sa kinabuhi ang usa sa lalaki humang gipusil sa wa mailhing suspetsado alas 7:52 sa gabie, adlawng Sabado, Abril 22 sa Bendigo Cemetery, Brgy. Tuban, Sta. Cruz, Davao del Sur.
Giila sa Sta Cruz Police Station ang biktima nga si Emanuel Nestor Pilongo, 35-anyos, minyo, trabahante sa GSL wheel mill Doña Coco ug residente sa Purok Kapayapaan, Brgy. Tuban, Sta. Cruz.
Napalgan ang biktima nga nakahiagom og duha ka mga samad pinusilan sa lawas nga nagresulta sa iyang kamatayon.
Sumala sa nakasaksi nga tulo ka mga buto sa pusil ang iyang nadunggan ug sa dihang gisusi, usa ka lalaking nakasakay sa motorsiklo ang dali-daling mihawa sa lugar.
Atol sa pagpahigayon sa ocular investigation sa dapit sa insidente, ang imbestigador walay nakitang basiyo sa bala sa lugar sa insedente, ug human niini gidala ang patayng lawas sa biktima sa usa ka punerarya sa Sta. Cruz, Davao del Sur.
Padayon nga gahimo og imbestigasyon ang kapulisan arun masayran kinsa ang suspek ug ang motibo sa krimen.
via || Bombo BCA & Bombo LJF
