DAVAO CITY – Gipasidunggan sa dakbayan sa Tagum City, probinsya sa Davao del Norte ang usa sa pinakahamtong nga nisalmot sa malampusong Ironman 70.3 triathlon.
Giila si Tatay Edgardo Villar nga mas ilado isip “Boy Power” isip 2nd placer sa 70-74 age category sa iyang ika-napulo nga pag-apil sa maong karera. Gikanayon sa 73 anyos nga taga-Barangay Magugpo Poblacion, Tagum City, nga gikahiligan na ni Tatay Edgardo ang pagdagan sukad pa sa elementarya.
Bisan pa karon, wala siya muundang ug padayon sa pag-apil sa mga triathlon races sa Pilipinas.
Importante kang Tatay Edgardo ang pagbaton og disiplina sa kaugalingon ilabi na ang paglikay sa makalisang nga mga bisyo, ug ang pagbansay rain or shine.
Dugang pa, labing kinahanglan sab ang maayong pamatasan sama sa pagka-kalmado ug likayan ang pagkagarboso ug pagka seloso.
Tambag pa ni “Boy Power” sa mga kabatan-onan, kinahanglang mag-exercise bisan pa nga dili kaayo hilig sa dula. Gikalipay ni Tatay Edgardo ang pagdawat sa maong pag-ila gikan sa City Government of Tagum.
Gidayeg sab ni Davao del Norte Governor Edwin Jubahib ang kalampusan sa hamtong nga atleta.
via || Bombo LJF
