DAVAO CITY – Gikabutyag sa Commander sa 10th Infantry Division nga si Major General Jose Eriel Niembra nga nagpabiling gawasnon sa insurhensya ang tibuok Davao Region tungod sa suporta sa mga hingtungdan ug ang epektibong implementasyon sa Whole-of-Nation Approach.
Matud pa sa usa ka interview, gibutyag ni Niembra nga dili lamang usa ka dagkong isyu ang insurhensya kon dili, usa ka sosyo ekonomikanhon nga suliran.
Usa sa gikanayon niyang pagpananglitan mao ang Peace 911 program sa Davao City nga naghatag og mga socio-economic and security interventions sa mga komunidad, ug una pa namugna ayha pa ang pag-establisar sa National Task Force to End Local Communist Armed Conflict kon NTF-ELCAC.
Sa managlahing presscon, gikabutyag sab ni Niembra nga nasa 600 ka mga people’s organizations ang natukod ilawom sa maong ahensya ug uban pang nagsuportang mga ahensya sa gobyerno.
Dagko ang pagtuo sa kumander nga magpadayon ang NTF-ELCAC isip dagkong instrumento aron mapuhag ang insurhensya inubanan sa maayong pagdumala sa kagamahanan.
via || Bombo LJF
